ଆଉ ଦୁଇ ଆକ୍ରାନ୍ତ ଚିହ୍ନଟ, ସୁନ୍ଦରପଦା ସିଲ୍
ଭୁବନେଶ୍ୱର: ଓଡ଼ିଶାରେ ଆଉ ଦୁଇ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ଦୁଇ କରୋନା ଆକ୍ରାନ୍ତ ଚିହ୍ନଟ ପରେ ଆକ୍ରାନ୍ତଙ୍କ ସଂଖ୍ୟା ୨୩ରେ ପହଞ୍ଚିଛି । ଦୁଇଜଣଙ୍କ ମଧ୍ୟରୁ ଜଣେ ସୁନ୍ଦରପଦା କପିଳ ପ୍ରସାଦ ଅଞ୍ଚଳର ହୋଇଥିବା ବେଳେ ତାଙ୍କ ବୟସ ୭୦ ବୋଲି ଜଣାପଡିଛି । ସେ ଅଷ୍ଟ୍ରେଲିଆରୁ ଫେରିବା ପରେ ମାର୍ଚ୍ଚ ୨୨ରୁ ଘରେ ଏକାନ୍ତବାସରେ ରହିଥିଲେ ।
ସେ ଏକାନ୍ତବାସରେ ରହିଥିବା ସମୟରେ ତାଙ୍କର ସ୍ୱାସ୍ଥ୍ୟଗତ ସମସ୍ୟା ହେବାରୁ ତାଙ୍କର ନମୁନା ପରୀକ୍ଷା ପାଇଁ ନିଆଯାଇଥିôଲା ଏବଂ ଏହା ପରେ ତାଙ୍କର କରୋନା ରହିଥିବା ସ୍ପଷ୍ଟ ହୋଇଛି । ସେହିପରି ବମିଖାଲ ଅଞ୍ଚଳର ଅନ୍ୟଜଣେ ୨୯ ବର୍ଷିୟ ଯୁବକଙ୍କର ପଜିଟିଭ ବାହାରିଥିବା ସ୍ୱାସ୍ଥ୍ୟବିଭାଗ ପକ୍ଷରୁ ସ୍ପଷ୍ଟ କରାଯାଇଛି । ପୂର୍ବରୁ ବମିଖାଲ ଅଞ୍ଚଳକୁ ସିଲ କରାଯାଇଥିବା ବେଳେ କପିଳ ପ୍ରସାଦ ଅଞ୍ଚଳରେ କରୋନା ବାହାରିବାରୁ ସୁନ୍ଦରପଦା ଅଂଚଳକୁ ମଧ୍ୟ ସିଲ କରାଯାଇଛି । ସୁନ୍ଦରପଦା ପରେ ପରେ ଯଦୁପୁର ଓ ବେଗୁନିଆକୁ ମଧ୍ୟ ସିଲ କରାଯାଇଥିବା ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
