ଭୁବନେଶ୍ୱର ଉତ୍ତର ଭଷାଣୀ କମିଟିର ବନ୍ଧୁମିଳନ
ଭୁବନେଶ୍ୱର: ଉତ୍ତର ଭଷାଣୀ କମିଟିର ବନ୍ଧୁମିଳନ ଉତ୍ସବ ଡିଷ୍ଟ୍ରିକ୍ଟ ସେଣ୍ଟର ଓନର୍ସ ଆସୋସିଏସନ୍ର କମ୍ୟୁନିଟି ହଲଠାରେ ଅନୁଷ୍ଠିତ ହୋଇଯାଇଛି ।
ଡିଷ୍ଟ୍ରିକ୍ଟ୍ ସେଣ୍ଟର ଓନର୍ସ ଆସୋସିଏସନ୍ ପକ୍ଷରୁ ଆୟୋଜିତ ଏହି ଉତ୍ସବରେ ଉତ୍ତର ଭୁବନେଶ୍ୱରର ୨୦ଟି ମଣ୍ଡପର ଦୁଇଜଣ ଲେଖା କର୍ମକର୍ତ୍ତା ମାନେ ଉପସ୍ଥିତ ଥିଲେ । ଉତ୍ତର ଭୁବନେଶ୍ୱରରେ ଦୁର୍ଗାପୂଜା ସମସ୍ତ କୋଭିଡ ନିୟମ ପାଳନ ହୋଇ ଅନୁଷ୍ଠିତ ହେବ । ପ୍ରତ୍ୟେକ ମଣ୍ଡପରେ କରୋନା ସଚେତନତା କାର୍ଯ୍ୟକ୍ରମ ହେବା ସହିତ କେତେକ ମଣ୍ଡପ ପକ୍ଷରୁ ରକ୍ତଦାନ, ଚାରାବଣ୍ଟନ, ମାସ୍କବଣ୍ଟନ ଓ ବିଶୋଧନ ଭଳି କାର୍ଯ୍ୟକ୍ରମ ଅନୁଷ୍ଠିତ ହେବ ବୋଲି ମତ ପ୍ରକାଶ ପାଇଥିଲା ।
ଆସୋସିଏସନ୍ର ସମ୍ପାଦକ ସରୋଜ ମଲ୍ଲିକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥିଭାବେ ଭଷାଣୀ କମିଟି ଅଧ୍ୟକ୍ଷ ମଧୁମାଧବ ଜେନା, ସମ୍ମାନୀତ ଅତିଥି ଭାବେ ପ୍ରଦୀପ ଜେନା, ଦାମୋଦର ପ୍ରଧାନୀ, ପ୍ରିତିନନ୍ଦା ରାଉତରାୟ, ମିହିର ରାଉତ ପ୍ରମୁଖ ଉପସ୍ଥିତ ଥିଲେ । ଶେଷରେ ସମରେନ୍ଦ୍ର ସାହୁ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ ।
