ପହଞ୍ଚିଲା ୫ ଟ୍ରେନ, ଆସୁଛି ଆଉ ୬

ଭୁବନେଶ୍ୱର: ରାଜ୍ୟକୁ ସ୍ୱତନ୍ତ୍ର ଟ୍ରେନ ଯୋଗେ ପ୍ରବାସୀ ଓଡ଼ିଆ ମାନେ ଆସିବା ଜାରି ରହିଛି । ସୋମବାର ଦିନ ୫ଟି ସ୍ୱତନ୍ତ୍ର ଟ୍ରେନ ରାଜ୍ୟରେ ପହଞ୍ଚିଥିବା ବେଳେ ମଙ୍ଗଳବାର ଦିନ ଆଉ ୬ଟି ଟ୍ରେନ ପହଞ୍ଚିବ ବୋଲି ରେଳ ବିଭାଗ ପକ୍ଷରୁ ସୂଚନା ଦିଆଯାଇଛି ।

ବିଶେଷ କରି ସୁରତରୁ ଦୁଇଟି ଟ୍ରେନ ଗଞ୍ଜାମ ଅଭିମୁଖେ ଆସୁଥିବା ବେଳେ ଆନ୍ଧ୍ରର ଗୁଣ୍ଟୁର, ଗୁଜୁରାଟର ଥାନେଗଡ଼, ମହାରାଷ୍ଟ୍ରର ଥାନେ ଓ ମୁମ୍ବାଇରୁ ଗୋଟିଏ ଲେଖାଏଁ ଟ୍ରେନ ପ୍ରବାସୀ ଓଡ଼ିଆଙ୍କୁ ଧରି ରାଜ୍ୟର ବିଭିନ୍ନ ସ୍ଥାନକୁ ଆସୁଥିବା ପୂର୍ବତଟ୍ଟରେଳ ବିଭାଗ ପକ୍ଷରୁ କୁହାଯାଇଛି ।

ସୋମବାର ଦିନ ଆନ୍ଧ୍ରର ରାୟନପାଡୁରୁ ଟିଟିଲାଗଡ ଗୋଟିଏ ଟ୍ରେନ ଆସିଥିବା ବେଳେ ସୁରତରୁ ଗଞ୍ଜାମ ଜଗନ୍ନାଥପୁରକୁ ୩ଟି ଟ୍ରେନ ଆସିଥିଲା । ସେହିପରି ଚେନ୍ନାଇରୁ ଏକ ସ୍ୱତନ୍ତ୍ର ଟ୍ରେନ ଗଞ୍ଜାମ ଜଗନ୍ନାଥପୁରକୁ ଆସିଥିଲା । ଏହି ୫ଟି ଯାକ ଟ୍ରେନରେ ମୋଟ ୬ହଜାର ପ୍ରବାସୀ ଓଡ଼ିଶା ଆସିଥିବା ଜଣାପଡିଛି । ପୁଣି ଓଡ଼ିଶା ଅଭିମୁଖେ ଆସୁଥିବା ଟ୍ରେନରେ ପ୍ରାୟ ୭ହଜାର ପ୍ରବାସୀ ଓଡ଼ିଆ ଘରକୁ ଫେରୁଥିବା ପୂର୍ବତଟ୍ଟ ରେଳବାଇ ପକ୍ଷରୁ ସୂଚନା ଦିଆଯାଇଛି ।