ପୁଣି ୬ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧୬୯

ଭୁବନେଶ୍ୱର: ରାଜ୍ୟରେ ପୁଣି ୬ କରୋନା ପଜିଟିଭଙ୍କୁ ଚିହ୍ନଟ କରାଯାଇଛି । ଯାଜପୁର ଜିଲ୍ଲାରେ ୪ ଜଣ ଆକ୍ରାନ୍ତଙ୍କୁ ଚିହ୍ନଟ କରାଯାଇଥିବାବେଳେ ଭଦ୍ରକ ଜିଲ୍ଲାରୁ ୨ ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାଜପୁରରେ ଆକ୍ରାନ୍ତଙ୍କ ସଂଖ୍ୟା ୫୨ରେ ପହଞ୍ଚିଥିବାବେଳେ ଭଦ୍ରକ ଜିଲ୍ଲାରେ ୨୧ଜଣ ଆକ୍ରାନ୍ତଙ୍କୁ ଚିହ୍ନଟ କରାଗଲାଣି ।

ରାଜ୍ୟରେ ଏବେ ଆକ୍ରାନ୍ତଙ୍କ ସଂଖ୍ୟା ୧୬୯ରେ ପହଞ୍ଚିଛି । ରାଜ୍ୟରେ ୬୦ ଜଣ କରୋନା ଆକ୍ରାନ୍ତ ସୁସ୍ଥ ହୋଇଥିବାବେଳେ ୧୦୮ ଜଣ ରାଜ୍ୟର ବିଭିନ୍ନ କୋଭିଡ୍ ହସ୍ପିଟାଲରେ ଚିକିସତ ହେଉଛନ୍ତି । ଏନେଇ ରାଜ୍ୟ ସ୍ୱାସ୍ଥ ଓ ପରିବାର କଲ୍ୟାଣ ବିଭାଗ ପକ୍ଷରୁ ସ୍ପଷ୍ଟ କରାଯାଇଛି ।

ଭଦ୍ରକରୁ ଚିହ୍ନଟ ହୋଇଥିବା ବ୍ୟକ୍ତିଙ୍କର ବୟସ ଯଥାକ୍ରମେ ୫୫ ବର୍ଷ ଓ ୪୫ ବର୍ଷ । ଏହି ଦୁଇ ଆକ୍ରାନ୍ତ ବାସୁଦେବପୁର ଓ ଧାମନଗର ବ୍ଲକର ବୋଲି ଜିଲ୍ଲା ପ୍ରଶାସନ ସୂଚନା ଦେଇଛି । ଯାଜପୁରରୁ ଚିହ୍ନଟ ବ୍ୟକ୍ତିଙ୍କର ବୟସ ଯଥାକ୍ରମେ ୬୨ ବର୍ଷ, ୬୦ ବର୍ଷ, ୫୫ବର୍ଷ ଓ ୪୮ ବର୍ଷ । ଏମାନେ ସମସ୍ତେ କୋଲକାତା ଫେରନ୍ତା ବୋଲି ମଧ୍ୟ ସୂଚନା ଦିଆଯାଇଛି ।