ଭୁବନେଶ୍ୱରରେ ମୋଦିଙ୍କ ବିଶାଳ ରୋଡ୍ ସୋ

ଭୁବନେଶ୍ୱର, ଏପ୍ରିଲ୍ ୧୬: ଭୁବନେଶ୍ୱରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିଶାଳ ରୋଡ୍ ସୋ । ଭୁବନେଶ୍ୱର ଏୟାରପୋର୍ଟରୁ ବରମୁଣ୍ଡା ପଡିଆ ପର୍ଯ୍ୟନ୍ତ ମୋଦି ରୋଡ୍ ସୋରେ ଯାଇଥିଲେ । ରାସ୍ତାର ଉଭୟ ପାର୍ଶ୍ବରେ ହଜାର ହଜାର ଲୋକ ପ୍ରଧାନମନ୍ତ୍ରୀଙ୍କୁ ଦେଖିବାକୁ ଭିଡ ଜମାଇଥିଲେ । ମୋଦି ମଧ୍ୟ ହାତ ହଲାଇ ସମର୍ଥକ ଓ ଜନସାଧାରଣଙ୍କୁ ଅଭିବାଦନ ଜଣାଇଥିଲେ । ଏହାପରେ ସେ ବରମୁଣ୍ଡା ଠାରେ ଆୟୋଜିତ ସାଧାରଣ ସଭାରେ ଯୋଗ ଦେଇଥିଲେ ।

ନିର୍ବାଚନୀ ପ୍ରଚାର ପାଇଁ ଅପରାହ୍ନ ୫ଟା ୪୫ ରେ ଭୁବନେଶ୍ୱରରେ ପହଂଚିବା ପରେ ପ୍ରଧାନମନ୍ତ୍ରୀଙ୍କୁ ବିଜେପି ନେତା, କର୍ମୀ ଓ ସାଧାରଣ ଜନତାଙ୍କ ପକ୍ଷରୁ ଜୋରଦାର ସ୍ୱାଗତ କରାଯାଇଥିଲା । ବାଜା, ବାଣ ଓ ବିଶାଳ ଜନସମାଗମରେ ମୋଦି ରୋଡ୍ ଶୋ’ କରିଥିଲେ । ଏହି ରୋଡ୍ ଶୋ’ ବରମୁଣ୍ଡାରେ ଯାଇ ପହଂଚିବ । ସେଠାରେ ମୋଦି ବିଜେପିର ବିଜୟ ସଙ୍କଳ୍ପ ସମାବେଶରେ ଯୋଗ ଦେବାର କାର୍ଯ୍ୟକ୍ରମ ରହିଛି । ଆଜି ସକାଳେ ସମ୍ବଲପୁରରେ ଏକ ନିର୍ବାଚନୀ ସଭାରେ ମୋଦି ଯୋଗ ଦେଇଥିଲେ ।