ମୋଟ ଆକ୍ରାନ୍ତ ୪୩୭, ଗଞ୍ଜାମରୁ ୧୫୭

ଭୁବନେଶ୍ୱର: ରାଜ୍ୟରେ ବଢ଼ି ପାଣି ପରି ମାଡି ଚାଲିଛି କରୋନା ଆକ୍ରାନ୍ତଙ୍କ ସଂଖ୍ୟା । ପୂର୍ବାହ୍ନରେ ପୁଣି ୨୩ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଫଳରେ ରାଜ୍ୟରେ କରୋନା ରୋଗୀଙ୍କ ସଂଖ୍ୟା ୪୩୭ରେ ପହଞ୍ଚିଛି ।

ନୂତନ ଭାବେ ଚିହ୍ନଟ ହୋଇଥିବା ଆକ୍ରାନ୍ତଙ୍କ ମଧ୍ୟରୁ ଗଞ୍ଜାମର ୩ଜଣ ଆକ୍ରାନ୍ତ ମଧ୍ୟ ରହିଛନ୍ତି । ପଳରେ ମୋଟ ୪୩୭ ଆକ୍ରାନ୍ତଙ୍କ ମଧ୍ୟରୁ କେବଳ ଗଞ୍ଜାମର ଆକ୍ରାନ୍ତଙ୍କ ସଂଖ୍ୟା ୧୫୭ ରହିଛି ।

ସେହିପରି ନୂତନ ଆକ୍ରାନ୍ତଙ୍କ ମଧ୍ୟରୁ ସର୍ବାଧିକ ବାଲେଶ୍ୱର ଜିଲ୍ଲାର । ଫଳରେ ବାଲେଶ୍ୱରର ଆକ୍ରାନ୍ତଙ୍କ ସଂଖ୍ୟା ୫୭ରେ ପହଞ୍ଚିଛି । ଯାଜପୁରରୁ ପୁଣି ୩ଜଣ ଚିହ୍ନଟ୍ ହୋଇଥିବା ବେଳେ ବୌଦ୍ଧ ଓ ପୁରୀରୁ ଜଣେ ଲେଖାଏଁ ଚିହ୍ନଟ୍ ହୋଇଛନ୍ତି । ଫଳରେ ଯାଜପୁରର ଆକ୍ରାନ୍ତଙ୍କ ସଂଖ୍ୟା ୬୪ରେ ପହଞ୍ଚିଥିବା ବେଳେ ବୌଦ୍ଧରେ ୫ଜଣ ଓ ପୁରୀରେ ୪ଜଣ ଆକ୍ରାନ୍ତ ରହିଥିବା ସ୍ୱାସ୍ଥ୍ୟ ବିଭାଗ ପକ୍ଷରୁ ସୂଚନା ଦିଆଯାଇଛି ।