ଡି.ଏ.ଭି କଳିଙ୍ଗନଗରରେ ଉତ୍କଳ ଦିବସ ପାଳନ

ଭୁବନେଶ୍ୱର ତା.୧.୪.୧୯: ଡି.ଏ.ଭି ପବ୍ଲିକ୍ ସ୍କୁଲ କଳିଙ୍ଗନଗରରେ ୮୪ତମ ଉତ୍କଳ ଦିବସ ପାଳିତ ହୋଇଯାଇଛି । ଏହି ଉପଲକ୍ଷେ ଆୟୋଜିତ କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ୟକ୍ଷ ଶ୍ରୀଯୁକ୍ତ ବିପିନ୍ କୁମାର ସାହୁ ସ୍ୱତନ୍ତ୍ର ଓଡିଶା ପ୍ରଦେଶ ଗଠନ ଦିଗରେ ଉତ୍ସର୍ଗୀକୃତ ମହାତ୍ମାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ । ଏଥିରେ ବିଦ୍ୟାଳୟର ଛାତ୍ର ଛାତ୍ରୀମାନଙ୍କ ଦ୍ୱାରା ଦେଶାତ୍ମବୋଧ ସମୂହ ସଂଗୀତ ଗାନ କରାଯିବା ସହିତ ଏକ ମନଛୁଆଁ ନୃତ୍ୟ କଳା ପରିବେଷଣ କରାଯାଇଥିଲା ।

ଏହି କାର୍ଯ୍ୟକ୍ରମରେ ବିଦ୍ୟାଳୟର ଶିକ୍ଷକ ଓ ଛାତ୍ରଛାତ୍ରୀମାନଙ୍କ ଦ୍ୱାରା ଉତ୍କଳ ଦିବସ ଉପଲକ୍ଷେଲ ଅଭିଭାଷଣ ପ୍ରଦାନ ଓ ସ୍ୱରୋଚିତ କବିତା ପଠନ କରାଯାଇଥିଲା । ଆୟୋଜିତ ସଭାରେ ଅନୁଷ୍ଠାନର ଅଧ୍ୟକ୍ଷ ଉତ୍କଳ ପ୍ରଦେଶ ଗଠନ ଦିଗରେ ଓଡିଆ ମାଟିର ତ୍ୟାଗପୂତ ମହାତ୍ମାଙ୍କ ଜୀବନାଦର୍ଶ ଉପରେ ଆଲୋକପାତ କରିଥିଲେ ।