ଏକାମ୍ରରେ ବାବୁ ସିଂଙ୍କ ପଦଯାତ୍ରା ଓ ରୋଡ୍ ଶୋ

ଭୁବନେଶ୍ୱର, ଏପ୍ରିଲ ୧୮: ରାଜଧାନୀର ଏକାମ୍ର ବିଧାନସଭା ପାଇଁ ବିଜେପି ତରଫରୁ ପ୍ରାର୍ଥୀ ହୋଇଥିବା ବାବୁ ସିଂ ଗୁରୁବାର ଦିନ ମାରାଥନ ପ୍ରଚାର ସାଙ୍ଗକୁ ବିଭିନ୍ନ ଅଞ୍ଚଳରେ ପଦଯାତ୍ରା କରି ଜନତାଙ୍କ ଠାରୁ ଭୋଟ ପାଇଁ ଅନୁରୋଧ କରିଛନ୍ତି ।
ସକାଳ ସମୟରେ ବରମୁଣ୍ଡା ଅଞ୍ଚଳର ବିିଭିନ୍ନ ଗ୍ରାମ, ସାହି ଓ ବସ୍ତି ଅଞ୍ଚଳରେ ପ୍ରଚାର କରିଥିଲେ ଶ୍ରୀ ସିଂ । ତାଙ୍କର ବହୁ ସମର୍ଥକ ତାଙ୍କର ଏହି ପଦଯାତ୍ରାରେ ସାମିଲ ହୋଇ ଉଭୟ ବିଧାନସଭା ପ୍ରାର୍ଥୀ ଭାବେ ଶ୍ରୀ ସିଂ ଓ ଲୋକସଭା ପ୍ରାର୍ଥିନୀ ଅପରାଜିତା ଷଡଙ୍ଗୀଙ୍କୁ ବିପୁଳ ପରିମାଣରେ ଭୋଟ ଦେଇ ଜୟଯୁକ୍ତ କରିବାକୁ ନିବେଦନ କରିଥିଲେ ।
ଏହାପରେ ଅପରାହ୍ନରେ ଡୁମୁଡୁମା ଓ ଜାଗମରାରେ ରୋଡ୍ ଶୋ କରି ନିଜର ନିର୍ବାଚନ ପ୍ରଚାର କରିଛନ୍ତି ।