ନବୀନଙ୍କୁ ପାଟକୁରାରୁ ନିର୍ବାଚନ ଲଢିବା ପାଇଁ ବିଜୟଙ୍କ ଆହ୍ଵାନ

କେନ୍ଦ୍ରାପଡା, ଅପ୍ରେଲ ୩୦: ସରକାର ପାଟକୁରା ନିର୍ବାଚନ ମଣ୍ଡଳୀ ପାଇଁ ଏକ ଷଡଯନ୍ତ୍ର କରୁଛନ୍ତି ବୋଲି ପାଟକୁରାରୁ ବିଜେପି ବିଧାୟକ ପ୍ରାର୍ଥୀ ବିଜୟ ମହାପାତ୍ର ଅଭିଯୋଗ କରିଛନ୍ତି । ମୁଖ୍ୟମନ୍ତ୍ରୀଙ୍କର ଯଦି ସାହାସ ଅଛି ତେବେ ନିଜେ ପାଟକୁରାରୁ ଲଢନ୍ତୁ ବୋଲି ବିଜୟ ମହାପାତ୍ର ଆହ୍ଵାନ କରିଛନ୍ତି ।

ସୂଚନାଯୋଗ୍ୟ ରାଜ୍ୟରେ ଚାରୋଟି ପର୍ଯ୍ୟାୟରେ ନିର୍ବାଚନ ସରିଥିବା ବେଳେ କେବଳ ପାଟକୁରାରେ ନିର୍ବାଚନ ଆସନ୍ତା ୧୯ ତାରିଖରେ ଅନୁଷ୍ଠିତ ହେବ । ପାଟକୁରାରୁ ବିଜେଡି ବିଧାୟକ ପ୍ରାର୍ଥୀ ବେଦ ପ୍ରକାଶ ଅଗ୍ରଓ୍ବାଲଙ୍କ ଦେହାନ୍ତ ପରେ ସେଠାରେ ନିର୍ବାଚନ ସ୍ଥଗିତ ଥିଲା । ତେବେ ଗତକାଲି ବିଜେଡି ସ୍ବର୍ଗତ ବେଦ ପ୍ରକାଶ ଅଗ୍ରଓ୍ବାଲଙ୍କ ପତ୍ନୀ ସାବିତ୍ରୀ ଅଗ୍ରଓ୍ବାଲଙ୍କୁ ପ୍ରାର୍ଥୀ କରିଛି । ପାଟକୁରାରୁ ବରିଷ୍ଠ ନେତା ବିଜୟ ମହାପାତ୍ର ବିଜେପି ଦଳରୁ ପ୍ରାର୍ଥୀ ହୋଇଛନ୍ତି ।