ସଟଡାଉନ୍ ବୃଦ୍ଧି ଏକ ଗୁଜବ
ଭୁବନେଶ୍ୱର,୯ା୬: ସଟଡାଉନ୍ ବୃଦ୍ଧିକୁ ନେଇ ଏସଆରସି ପ୍ରଦୀପ ଜେନା ଏକ ଟ୍ୱିଟ୍ କରିଛନ୍ତି । ଟ୍ୱିଟ୍ ଯୋଗେ ସେ କହିଛନ୍ତି ଯେ, ସପ୍ତାହକୁ କେବଳ ଶନିବାର ଓ ରବିବାର ସଟଡାଉନ୍ ବ୍ୟତୀତ ଅନ୍ୟ କୌଣସି ଦିନ ସଟଡାଉନ୍ ହେବ ନାହିଁ ।
ସଟଡାଉନ୍ ବୃଦ୍ଧି ଏକ ଗୁଜବ । ଏହାକୁ ଆଦୌ ବିଶ୍ୱାସ କରନ୍ତୁ ନାହିଁ କିମ୍ବା ଅଯଥାରେ ଆତଙ୍କିତ ହୁଅନ୍ତୁ ନାହିଁ । ଏପରିକି ଉଡ଼ା କଥାରେ ବିଶ୍ୱାସ ନକରିବାକୁ ଟ୍ୱିଟ୍ ଯୋଗେ ରାଜ୍ୟବାସୀଙ୍କୁ ଅନୁରୋଧ କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ।
ପୂର୍ବ ର୍ନିଦ୍ଧାରିତ ୧୧ ଜିଲ୍ଲାରେ ଶନିବାର ରବିବାର ସଟଡାଉନ୍ ରହିବ । ତେଣୁ ଗୁଜବକୁ ବିଶ୍ୱାସ କରନ୍ତୁ ନାହିଁ କିମ୍ବା ଅଯଥାରେ ଆପଣମାନେ ଭୟଭୀତ ହୋଇ ବଜାର ଯାଇ ଘର ପାଇଁ ଗୁଡ଼ାଏ ସଉଦାପତ୍ର ଓ ପନିପରିବା ନକିଣିବାକୁ ଟ୍ୱିଟ୍ ଯୋଗେ ରାଜ୍ୟବାସୀଙ୍କୁ ଅନୁରୋଧ କରିଛନ୍ତି ସ୍ୱତନ୍ତ୍ର ରିଲିଫ୍ କମିଶନର ପ୍ରଦୀପ ଜେନା ।
