ଭଡାଟିଆଙ୍କୁ ଆତ୍କମଣ କରି ଘର ମାଲିକ ଗିରଫ

ଭୁବନେଶ୍ୱର,ଅପ୍ରେଲ ୨୮: ଭଡାଟିଆଙ୍କୁ ଆତ୍କମଣ କରିବା ଅଭିଯୋଗରେ ପୁଲିସ ଘର ମାଲିକ ମଞ୍ଚେଶ୍ବର ପୁଲିସ ଗିରଫ କରିଛି । ଗିରଫ ଅଭିଯୁକ୍ତ ଜଣଙ୍କ ହେଲେ ମଞ୍ଚେଶ୍ୱର ଥାନା ଅଂଚଳରେ ରହୁଥିବା ବିଶ୍ୱଜିତ ପତି । ପୁଲିସ ତାଙ୍କ ବିରୋଧରେ ଏକ ମାମଲା ରୁଜୁ କରି ତାଙ୍କୁ କୋର୍ଟ ଚାଲାଣ କରିଛି ।

ସୂଚନା ଅନୁସାରେ, ଯାଜପୁର ଜିଲ୍ଳା ବିଞ୍ଝାରପୁର ଚରଣ ପ୍ରଧାନ କିଛିଦିନ ହେଲା ବିଶ୍ୱଜତ ପତିଙ୍କ ଘରେ ଭଡାରେ ରହୁଥିଲେ । ବିଶ୍ୱଜିତ ତାଙ୍କୁ ଘର ଛାଡିବାକୁ କହିଥିଲେ । ହେଲେ ତାଙ୍କୁ ଘର ମିଳୁନଥିବାରୁ ସେ ସମୟ ମାଗିଥିଲେ । ରବିବାର ସକାଳୁ ଉକ୍ତ ଘଟଣାକୁ ନେଇ ଉଭୟଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା । ଏଥିରେ ଉତକ୍ଷିପ୍ତ ହୋଇ ଘର ମାଲିକ ଚରଣଙ୍କୁ ମାଡ ମାରିବା ସହ ତାଙ୍କ ସ୍ତ୍ରୀକୁ ଅସଦାଚରଣ କରିଥିଲେ । ଏନେଇ ସେ ଥାନାରେ ଅଭିଯୋଗ କରିବା ପରେ ପୁଲିସ ଘଟଣାର ତଦନ୍ତ କରି ଅଭିଯୁକ୍ତକୁ ଗିରଫ କରିଛି ।