ବୌଦ୍ଧକୁ ବ୍ୟାପିଲା କରୋନା

ଭୁବନେଶ୍ୱର: ଗୋଟିଏ ପରେ ଗୋଟିଏ ଜିଲ୍ଲାକୁ ଡେଇଁ ଡେଇଁ ଚାଲୁଛି କରୋନା ସଂକ୍ରମଣ । ପୂର୍ବାହ୍ନରେ ଅନଗୁଳ ଜିଲ୍ଲାରେ କରୋନା ତାର କାୟା ବିସ୍ତାର କରିଥିବା ବେଳେ ଏବେ ବୌଦ୍ଧକୁ ବ୍ୟାପିଛି କରୋନା । ବୌଦ୍ଧରେ ୩ଜଣ କରୋନା ପଜିଟିଭ ଚିହ୍ନଟ ହୋଇଥିବା ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି । କେବଳ ସେତିକି ନୁହେଁ ପୁରୀକୁ ମଧ୍ୟ ପୁଣି ଫେରିଛି କରୋନା ।

ଅପରାହ୍ନରେ ୨୫ଜଣ ରୋଗୀ ଚିହ୍ନଟ୍ ହୋଇଥିବା ବେଳେ ସେଥିମଧ୍ୟରେ ଯାଜପୁରର ୫ଜଣ, ପୁରୀର ଦୁଇଜଣ, ଭଦ୍ରକର ୬ଜଣ, ଗଞ୍ଜାମର ୭ଜଣ, ଅନଗୁଳର ୨ଜଣ ଚିହ୍ନଟ ହୋଇଛନ୍ତି । ଫଳରେ ରାଜ୍ୟରେ ମୋଟ କରୋନା ରୋଗୀଙ୍କ ସଂଖ୍ୟା ୩୭୭ରେ ପହଞ୍ଚିଛି । ବର୍ତ୍ତମାନ ପର୍ଯ୍ୟନ୍ତ ରାଜ୍ୟରେ ୬୮ଜଣ ସୁସ୍ଥ ହୋଇ ଘରକୁ ଫେରିଥିବା ବେଳେ ଏବେ ୩୦୬ଜଣ ବିଭିନ୍ନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି ।