ପୁଣି ୩ଜଣ ପଜିଟିଭ୍, ୩୯୪ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା

ଭୁବନେଶ୍ୱର: ରାଜ୍ୟରେ ପୁଣି ୩ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହି ତିନି ଆକ୍ରାନ୍ତଙ୍କ ଫଳରେ ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ୩୯୪ରେ ପହଞ୍ଚିଛି । ଚିହ୍ନଟ ହୋଇଥିବା କଟକ, ଯାଜପୁର ଓ ମୟୁରଭଞ୍ଜ ଜିଲ୍ଲାରେ ବୋଲି ସ୍ୱାସ୍ଥ୍ୟ ବିଭାଗ ପକ୍ଷରୁ କୁହାଯାଇଛି ।

କିଛି ସମୟ ପୂର୍ବରୁ ରାଜ୍ୟର ୧୭ଜଣ କରୋନା ରୋଗୀ ସୁସ୍ଥ ହୋଇ ଘରକୁ ଫେରିଥିବା ସୂଚନା ଦିଆଯିବା ପରେ ଏହି ସୂଚନା ଦିଆଯାଇଛି । ଫଳରେ ପୁଣି ରାଜ୍ୟରେ ସକ୍ରିୟ ଥିବା କରୋନା ଆକ୍ରାନ୍ତଙ୍କ ସଂଖ୍ୟା ୩୦୬କୁ ବୃଦ୍ଧି ପାଇଛି ।

ରାଜ୍ୟରେ କରୋନା ସଂକ୍ରମଣ ଓ ଆକ୍ରାନ୍ତଙ୍କ ସଂଖ୍ୟା ଦୀର୍ଘ ଦିନ ପର୍ଯ୍ୟନ୍ତ ବହୁମାତ୍ରାରେ କମ ରହିଥିଲେ ମଧ୍ୟ ପ୍ରବାସୀ ମାନଙ୍କ ଘରବାହୁଡା ପରେ ଏହା ଦୃତ ଗତିରେ ବୃଦ୍ଧି ପାଇଥିବା ଦେଖାଯାଇଛି । ଏଣୁ ଏହି ପ୍ରବାସୀ ମାନଙ୍କ ଘରବାହୁଡା ପ୍ରଶାସନର ଚିନ୍ତା ବଢ଼ାଇ ଦେଇଛି ।