ଶ୍ରୀ ଜଗନ୍ନାଥ ସେବା ସଦନ ପକ୍ଷରୁ ବୃକ୍ଷରୋପଣ

ଭୁବନେଶ୍ୱର, ୧୭/୭: ଶ୍ରୀ ଜଗନ୍ନାଥ ସେବା ସଦନ ପକ୍ଷରୁ ଓଡିଶାର ବିଭିନ୍ନ ଜିଲ୍ଲାରେ ବୃକ୍ଷରୋପଣ ଓ ଚାରାଗଛ ବଣ୍ଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସେବା ସଦନର ପ୍ରତିଷ୍ଠାତା ବଳରାମ ତରାଇଙ୍କ ନେତୃତ୍ୱରେ ଭୁବନେଶ୍ୱରର ବିଭିନ୍ନ ସ୍ଥାନରେ ଏବଂ ଖୋର୍ଦ୍ଧା ଠାରେ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।

ସେହିପରି ନିଶିଗନ୍ଧା ଭାଷା ପ୍ରତିଷ୍ଠାନର ସଂପାଦିକା ସହସ୍ୱତୀ ନାୟକଙ୍କ ନେତୃତ୍ୱରେ ପୁରୀ କପିଳୋଶ୍ୱରପୁରର ତିଆଡିସାହି ପ୍ରାଙ୍ଗଣରେ ଓ ସ୍ୱାମୀ ବିବେକାନନ୍ଦ ଆଂଗ୍ଳୋ ବେଦିକ ବିଦ୍ୟାଳୟ ପରିସରରେ ବିଭିନ୍ନ ପ୍ରକାର ବୃକ୍ଷ ରୋପଣ କରାଯିବା ସହ ଚାରା ବଣ୍ଟନ କରାଯାଇଥିଲା ।

ଏହିସବୁ କାର୍ଯ୍ୟକ୍ରମରେ ଅତିଥି ଭାବେ ଅନୁଷ୍ଠାନର ଉପଦେଷ୍ଟା ପଦ୍ମନାଭ ତ୍ରିପାଠୀ, ସଭାପତି ଜୟନ୍ତ କୁମାର ପାଣିଗ୍ରାହୀ, ଚକ୍ରଧର ତ୍ରିପାଠୀ, ପ୍ରଧାନ ଶିକ୍ଷକ କେ.ବି. ସ୍ୱାଇଁ ଓ ସଦସ୍ୟ ଦୁର୍ଗାପ୍ରସାଦ ପ୍ରମୁଖ ଯୋଗଦେଇଥିଲେ ।

ଏହି ଅବସରରେ ୫୦ ଔଷଧୀୟ ବୃକ୍ଷରୋପଣ କରାଯିବା ସହ ୧୦୦ ଚାରା ବଣ୍ଟନ କରାଯାଇଥିଲା । ଏପରି କାର୍ଯ୍ୟକ୍ରମ ଆଗାମୀ ଏକମାସ ପର୍ଯ୍ୟନ୍ତ ଚାଲିବ ବୋଲି ପ୍ରତିଷ୍ଠାତା ସଂପାଦକ ଶ୍ରୀଯୁକ୍ତ ତରାଇ କହିଛନ୍ତି ।