କୋଭିଡ୍ ନିୟମ ଉଲ୍ଲଂଘନ: ସ୍କୁଲ୍ ସିଲ

ଭୁବନେଶ୍ୱର, ୧ା୧୨: କରୋନା ଗାଇଡ୍‌ ଲାଇନ୍ ଉଲ୍ଲଂଘନ ଅଭିଯୋଗରେ ଭୁବନେଶ୍ୱରସ୍ଥିତ ଏକ ଘରୋଇ ସ୍କୁଲକୁ ବିଏମସି ସିଲ୍ କରିଛି ।

କରୋନା ପାଇଁ ରାଜ୍ୟର ସମସ୍ତ ସ୍କୁଲ କଲେଜ ବନ୍ଦ ଥିବା ବେଳେ ଉକ୍ତ ସ୍କୁଲରେ ଅଫଲାଇନ୍ କ୍ଲାସ୍‌ ସହ ପରୀକ୍ଷା ହେଉଥିବା ଅଭିଯୋଗ ହୋଇଥିଲା । ବିଏମସିର ଏକ ଟିମ୍ ଚଢାଉ କରି ସ୍କୁଲକୁ ଅନିର୍ଦ୍ଦିଷ୍ଟ କାଳ ପାଇଁ ସିଲ୍ କରାଯାଇଛି ।

ସୂଚନା ଅନୁଯାୟୀ କରୋନା କଟକଣା ସତ୍ୱେ ଭୁବନେଶ୍ୱର ଚିନ୍ତାମଣୀଶ୍ୱରସ୍ଥିତ ସାଇ ସରସ୍ୱତୀ ସ୍କୁଲରେ କ୍ଲାସ୍ ଚାଲିଥିଲା । ପିଲାମାନେ ସ୍କୁଲକୁ ଆସି ପରୀକ୍ଷା ମଧ୍ୟ ଦେଉଥିଲେ ।